نتوه أزاى ف شارعنا؟

مشينا جمب بعضينا

ولما وقفنا حسينا

بألف طريق حوالينا

بدل ما مشينا قدامنا

وتهنا أزاى؟

لقينا نفسنا تهنا

مشينا فى الزمان الصعب

أنا وأنت وأحلامنا

تنور لينا شمس الحب

وكانت كل أوهامنا

رقصنا وشوك ف رجلينا

ضحكنا ودمع ف عنينا

وقفنا ف ضل بعضينا

ولما الشمس صبحت نار

ألف معاك بلاد الارض

غرامك أنت خلانى

واذا تهنا نتوه مع بعض

اذا وصلنا نعيش تانى

مشينا ندارى دمعتنا

تعبنا نحلى دنيتنا

وتهنا وتاه مكان بيتنا

رجعنا نجر خطوتنا