ح أعيش فى حالى

لسه بترن فى سمايا ضحكتك

لسه بتزوق كتابى كلمتك

لسه بأمشى فى الطريق اللى بتمشى خطوتك

لسه بأمسح من خدودى دمعتك

فى البداية كان كلامك

كان حنانك وابتسامك

فى البداية أنت جيت لى وخدتنى

فى النهاية سبنتنى عذبتنى

قلبى مش قادر يسامحك

حتى لو جيت مش ح أصالحك

ع اللى بكانى زمان

النهارده بأقدر أضحك

مش بأدور ع اللى كان

مش بأحس خلاص بجرحك

بأقدر أمشى ف سكتى

باقدر أبنى دنيتى

وأنسى كل اللي جرالى

مش ح تفرق لو أسامحك

م النهارده ح أعيش ف حالى

بس لو جيت مش ح أصالحك