أحدث ما تلقيناه
 تابـــــــــــــــــــــــــــوت

زمن الكلام انتهى مافضلش منه غير سكــــوت
اتعلمت اسكت واتخرس وفكرت كتييرامـــــــوت
لكن يا خسارة العمـــــــــــــــــر لسه مانتهاشي
لملمت أشلائي القديمة ولقيت لي صــــــــــــوت

يا سلام يا وطن صحيت قلبي اللي قرب يمــوت
صحيت في جوفي للثــــــــــــورة ألف صـــوت
خليتني أرجع افكر تاني واحاول أقول و أتكلم
بس يا خسارة لساني مسجون في تابــــــــوت

تابـــــــوت مش بإيــــدي ولا اخترتـــــوش
تابــــــــــــوت من صنع ناس ما يختشوش
تابـــــــــــــــوت على قــــــــد لساني أنــــا
وأنا مش حابـــــــــو ولا طايـقــــــــــــوش

لكني عاجز وزييي يااااااما كتيير عاجــزين
بيـوطوا ويطاطوا وهما مش عايــــــــــزين
والعجـــــز أصبح مـــــيزة فـــــــــــــــــــــينا
والكل مستني الخلاص من ناس تانيــــــــين

والتاني مستني تاني ولا حد جاي غيرنا
ولا حد جايينا ولا مناجينا ولا واخد بإيدنا
واللي خلقــنا شايفــنا وبيكــتب علـيــــنا
ومش غافــــل لكن سايــــبنا لضمــــــيرنا

الأسم:محسن علي عبد الرحيم أبو كريشه
مصري مقيم بأبو ظبي